न्यासाविषयी

प. पू. सद्गुरूनाथ श्रीकाका महाराज ( श्री. श्रीपाद अनंत वैद्य ) सेवा परिवार’ ही संस्था दि. ५ मे २००९ रोजी , संस्था नोंदणी अधिनियम १८६० अन्वये अधिक्रुत रित्या प्रमाणित करण्यात आली (संस्था नोंदणी क्र. महा – ४८२ २००९ पुणे ). तसेच ही संस्था सार्वजनिक संस्था (न्यास) म्हणून , सर्वजनिक विश्वस्त व्यवस्था अधिनियम १९५० अन्वये दि. १७-०८-१००९ रोजी अधिक्रुत रित्या प्रमाणित करण्यात आली ( न्यास नोंदणी क्र. एफ – २४४७८ पुणे ). संस्थेचे एक बचत खाते राष्टíÐयीक्रुत बðकेत व दुसरे बचत खाते सहकारी बðकेत उघडण्यात आले आहे.

प. पू. सद्गुरूनाथ श्रीकाका महाराज ( श्री. श्रीपाद अनंत वैद्य ) सेवा परिवार’ या संस्थेची स्थापना , प. पू. श्रीकाका महाराजांचे विचार , त्यांची शिकवण व माहिती यांचा प्रसार व्हावा आणि त्याचबरोबर समाजातील गरजू लोकांना समाजसेवेच्या माध्यमातून आधार मिळावा या हेतूने केली आहे. या न्यासाचे संस्थापक सदस्य हे प. पू. श्रीकाका महाराजांचे भक्त / अनुयायी असून , ते सर्व ; प. पू. श्रीकाका महाराज करत असलेल्या लोककल्याणाच्या समान धाग्यानीच एकत्र आलेले आहेत.

न्यासाचे सर्व व्यवहार न्यास – घटनेच्या सर्व लागू नियमांनुसार चालतात. न्यासाचे संस्थेचे ज्ञांपन असे दर्शवते की , ज्या उद्दिष्टासाठी न्यासाची स्थापना केली आहे , ते उद्दिष्ट संपूर्णपणे उदात्त आहे. न्यासाचे प्रमुख ध्येय , प. पू. श्रीकाका महाराजांचे साहित्य , त्यांची शिकवण , त्यांचे विचार यांचा समाजात प्रचार व प्रसार करून आध्यात्मिक संदेश देणे हे आहे आणि त्याचबरोबर , गरीब व वंचितांना साहाय्य , होतकरू विद्यार्थ्यांना शैक्षणिक साहित्याची मदत , स्त्री-कल्याण (पीडित महिलांच्या पुनर्वसनाच्या कार्यात मदत) , गरजूंना वैद्यकीय सुविधांची मदत , जनजाग्रुती इ. समाजकार्याचे उपक्रम राबवणे हे ही आहे.

प. पू. श्रीकाका महाराजांचे काही विचार ध्वनीमुद्रित केले असून , त्याच्या सी.डी. विविध देवालये , यात्रा व न्यासाने आयोजित केलेल्या आरोग्य शिबिरांमधून लोकांना ऐकवल्या जातात. न्यासातर्फे आयोजित केल्या जाणा-या शिबिरांमध्ये सर्वसाधारण आरोग्य तपासणी , दंतचिकित्सा , रक्त तपासणी , नेत्र तपासणी , रक्तदान शिबिरं , अस्थमा तपासणी इ. तपासण्या विनामूल्य केल्या जातात व मोफत औषधांचे वाटपही करण्यात येते. विविध शाळा व वसतीग्रुहांमध्ये प्रति महिना धान्य व भाजीपाल्याची मदत पुरवली जाते. या बरोबरच विभिन्न जीवनावश्यक वस्तूंची मदतही केली जाते. गरीब वस्त्यांमधून कपडे तसेच जीवनावश्यक भांडी वगैरे वस्तूंचे वाटप , गरजू व होतकरू विद्यार्थ्यांना शैक्षणिक साहित्याची मदत पुरविली जाते. त्याचबरोबर , वसतीग्रुहांमधून संगणक , इनव्हर्टर , अद्ययावत विज्ञान प्रयोगशाळा संच , टी.व्ही.संच , खेळाचे साहित्य पुरविले जाते. तसेच अशा गरजू शाळांमधे , विज्ञान शाखा तज्ञान कडून विद्यार्थ्यांना विज्ञानाचे मार्गदर्शन केले जाते. या शाळांमधून विशेष गुणवत्तेनी उत्तीर्ण होणा-या विद्यार्थ्यांना प्रोत्साहित करण्यासाठी रोख बक्षिसांचे वितरण करण्यात येते. विविध व्रुध्दाश्रमांमधून सत्संगाचे आयोजन करून तिथल्या व्रुध्द नागरीकांना मानसिक आधार देण्याचे श्रेष्ठ काम करण्यात येते. या सर्व उपक्रमांचा विस्तार करण्यासाठी न्यासाने विविध योजनाही आखल्या आहेत.

न्यासाचे कामकाज जरी विश्वस्त समिती पहात असली तरी न्यासाचे सदस्य , हितचिंतक या सर्व उपक्रमांमधून उत्साहानी सक्रीय सहभागी होत असतात. आणि सर्वात महत्वाचे म्हणजे , या संस्थेला प. पू. श्रीकाका महाराजांचा भक्कम आधार व आशीर्वाद लाभले आहेत.

प्रस्तुत संकेत्स्थळावर , प. पू. श्रीकाका महाराजांचे संक्षिप्त चरित्र , त्यांनी स्थापन केलेल्या मंदिरांची माहिती , त्यांच्या कार्याचा संक्षिप्त आढावा , त्यांच्या श्रीसद्गुरूंचे संक्षिप्त चरित्र , त्यांच्या साहित्य व प्रवचन सी.डी. विषयी माहिती , त्यांचा एक लघु छायाचित्र संग्रह इ. पहावयास मिळेल. आणि त्याबरोबरच न्यासाच्या विश्वस्त समितीच्या सदस्यांची माहितीही दिली आहे.

समितीच्या सदस्यांची माहिती

न्यासाचे सल्लागार